ಇವತ್ತಿಗೆ ಪಲ್ಯ ಖಾಲಿಯಾಯಿತು. ಮತ್ತೆ ತಯಾರಿಸಿದರೆ ಹೆಚ್ಚಾಗುತ್ತದೆ. ಆದ್ದರಿಂದ ಅಡುಗೆ ಮನೆಯಲ್ಲಿ ತಯಾರಿಸುವ ಬದಲು ನನ್ನ ಬ್ಲಾಗ್ ಪುಟದಲ್ಲಿ ತಯಾರಿಸುತ್ತಿದ್ದೇನೆ. ಕಂಪ್ಯೂಟರ್ನಲ್ಲಿ ಪಲ್ಯ ತಯಾರಿಸುವಾಗ ಸ್ಟೊವ್ ಎಂದು ತಿಳಿ ಅದಕ್ಕೆ ಬೆಂಕಿ ಹಚ್ಚುವ ಸಾಹಸಕ್ಕೆ ಇಳಿಯಬೇಡಿ.
ಬಹಳ ವರ್ಷಗಳ ಹಿಂದೆ, ಮಸಾಲೆ ದೋಸೆ ತಿನ್ನಲು ಹೋಟೆಲನ್ನು ಅವಲಂಭಿಸುತ್ತಿದ್ದೆ. ಏಕೆಂದರೆ ಆಲೂಗೆಡ್ಡೆ ಪಲ್ಯ ತಯಾರಿಸಲು ಬರುತ್ತಿರಲಿಲ್ಲ. ಒಂದು ಶುಭದಿನದಂದು "ಅಷ್ಟು ಸುಲಭದ ಪಲ್ಯ ಕಲಿಯಲು ನಿನಗೇನು ದಾಡಿ" ಅಂತ ಅಮ್ಮ ಜೋರು ಮಾಡಿದರು. ಇದಕ್ಕೆ ಅಪ್ಪನ ಸಪೋರ್ಟ್ ಬೇರೆ :-(. ಕಡೆಗೆ ಊರಿಗೆ ಹೋದಾಗ ಅಮ್ಮ ತಯಾರಿಸಲು ಹೇಳಿ ಕೊಟ್ಟರು. ಅರೆ ತುಂಬಾ ಸುಲಭ :-). ಆಲೂಗೆಡ್ಡೆ ಬೇಯಿಸುವುದು ಮಾತ್ರ ಸ್ವಲ್ಪ ಸಮಯದ ಕೆಲಸ [ಜೊತೆಗೆ ಕುಕ್ಕರ್ ತೊಳೆಯುವುದು :-(]. ಆದರೂ ತಿನ್ನುವಾಗ ತುಂಬಾ ಮಜ ಬರುತ್ತದೆ. ಸುಮಾರು ೩ ವರುಷದಿಂದ ನಾನೆ ಮಸಾಲೆ ದೋಸೆ ಆಸೆಯಾದಾಗ ತಯಾರಿಸುತ್ತೇನೆ :-). ದೋಸೆ ತಯಾರಿಸುವ ವಿಧಾನವನ್ನು ಸಮಯ ಸಿಕ್ಕಾಗ ಬರೆಯುತ್ತೇನೆ. ಪಲ್ಯ ತಯಾರಿಸಲು ಅಮ್ಮ ಹೇಳಿಕೊಟ್ಟ ರೆಸಿಪಿ ಇಲ್ಲಿದೆ (೩ ಮಂದಿಗೆ ಸಾಕಾಗಬಹುದು)
ಬೇಕಾಗುವ ಸಾಮಾಗ್ರಿಗಳು:
೧) ಈರುಳ್ಳಿ (ಸುಮಾರು ೩)
೨) ಆಲೂಗೆಡ್ಡೆ (ಸುಮಾರು ೫ ಸಾಧಾರಣ ಗಾತ್ರದ್ದು)
೩) ಶುಂಠಿ (ಸಣ್ಣ ತುಂಡು)
೪) ಒಗ್ಗರಣೆ ಸಾಮಾನುಗಳು (ಹಸಿಮೆಣಸು, ಘಾಟಿ ಮೆಣಸು, ಸಾಸಿವೆ, ಕಡಲೆ ಬೇಳೆ, ಕರಿಬೇವು ಸೊಪ್ಪು)
೫) ಚಿಟಿಕೆ ಅರಿಶಿನಪುಡಿ
೬) ನಿಂಬೆಹಣ್ಣು - ೧
ತಯಾರಿಸುವ ವಿಧಾನ:
ಆಲೂಗೆಡ್ಡೆಯನ್ನು ಮೊದಲೇ ತುಂಡರಿಸಿ ಬೇಯಿಸಿಡಿ. ಆಲೂಗೆಡ್ಡೆ ಬೇಯಲು ಕುಕ್ಕರಿನಲ್ಲಿ ೩ ವಿಶಲ್ ಸಾಕಾಗುತ್ತದೆ. ಹಾಗೆ ಈರುಳ್ಳಿಯನ್ನು ತುಂಡರಿಸಿಡಿ.
ಮೊದಲು ಬಾಣಲೆಯಲ್ಲಿ ಎಣ್ಣೆ ಅಥವಾ ತುಪ್ಪವನ್ನು ಸುರಿಯಿರಿ. ನಂತರ ಅದಕ್ಕೆ ಹಂತಹಂತವಾಗಿ ಸಾಸಿವೆ, ಕಡಲೆಬೇಳೆ, ಹಸಿಮೆಣಸು, ಘಾಟಿ ಮೆಣಸು ಮತ್ತು ಕರಿಬೇವು ಸೊಪ್ಪನ್ನು ಸೇರಿಸಿ ಚೆನ್ನಾಗಿ ಕರಿಯಿರಿ. ಮಿಶ್ರಣ ಕಪ್ಪಾಗದಂತೆ ನೋಡಿಕೊಳ್ಳಿ. ನಂತರ ಅದಕ್ಕೆ ತುಂಡರಿಸಿದ ಈರುಳ್ಳಿ ಯನ್ನು ಸೇರಿಸಿ ಮಿಶ್ರಣವನ್ನು ಹದವಾಗಿ ಕರಿಯಿರಿ. ಈರುಳ್ಳಿಯ ಬಣ್ಣ ಸ್ವಲ್ಪ ಬದಲಾದ ನಂತರ ಅದಕ್ಕೆ ನೀರನ್ನು ಸೇರಿಸಿ. ಹೆಚ್ಚು ನೀರನ್ನು ಸೇರಿಸಿದರೆ ಪಲ್ಯ ಮೆತ್ತಗಾಗುತ್ತದೆ. ಬೇಕಾದಷ್ಟೆ ಸೇರಿಸಿ. ಇದೇ ಮಿಶ್ರಣಕ್ಕೆ ಸ್ವಲ್ಪ ಅರಿಶಿನ ಜೊತೆಗೆ ಬೇಕಾಗುವಷ್ಟು ಉಪ್ಪನ್ನು ಸೇರಿಸಿ. ೧೦ ನಿಮಿಷ ಈರುಳ್ಳಿ ಬೆಂದ ನಂತರ ಅದಕ್ಕೆ ಬೇಯಿಸಿದ ಆಲೂಗೆಡ್ಡೆಯನ್ನು ಸೇರಿಸಿ. ಆಲೂಗೆಡ್ಡೆಯನ್ನು ಹಿಚುಕಿ ನಂತರ ಬಾಣಲಿಗೆ ಸೇರಿಸಿ ಮಿಶ್ರಣವನ್ನು ಚೆನ್ನಾಗಿ ಕಲಸಿ. ಸ್ವಲ್ಪ ಹೊತ್ತು ಸಿಮ್ಮಿನಲ್ಲಿ ಬೇಯಿಸಿ ನಂತರ ಅದಕ್ಕೆ ನಿಂಬೆಹಣ್ಣನ್ನು ಹಿಂಡಿದರೆ ರುಚಿಕರವಾದ ಪಲ್ಯ ತಯಾರು. ಇದನ್ನು ದೋಸೆ ಅಥವಾ ಚಪಾತಿ ಜೊತೆಗೆ ಕೂಡ ತಿನ್ನಬಹುದು.
ಕೊನೆ ಹನಿ:
೧) ಶುಂಠಿ ಆಪ್ಶನಲ್ ಆದರೂ ಬಹಳ ಇಂಪಾರ್ಟೆಂಟ್. ಇದು ಆಲೂಗೆಡ್ಡೆಯ ಅಡ್ಡ ಪರಿಣಾಮವನ್ನು ತಡೆಯುತ್ತದೆ ;-)
೨) ದೊಡ್ಡಕ್ಕ ತುಂಬಾ ಚೆನ್ನಾಗಿ ತಯಾರಿಸುತ್ತಾರೆ. ನಾನು ತಯಾರಿಸುವ ಪಲ್ಯದ ರುಚಿ ಇನ್ನು ಅವರ ಮಟ್ಟಕ್ಕೆ ತಲುಪಿಲ್ಲ.
೩) ಹಾಗೆ ಒಗ್ಗರಣೆಗೆ ಶೇಂಗಾ ಕೂಡ ಸೇರಿಸಬಹುದು ಆದರೆ ಆಲೂಗೆಡ್ಡೆ ಜೊತೆಗೆ ಸೇರಿ ಅಡ್ಡ ಪರಿಣಾಮದ ಜುಗಲ್-ಬಂದಿ ಆಗುತ್ತದೆ :-)
೪) ಈರುಳ್ಳಿ ತುಂಡರಿಸುವಾಗ ದಳದಳ ಅಂತ ಕಣ್ಣೀರು ಸುರಿದರೆ ಅಣ್ಣಾವ್ರು ಹೇಳಿದ "ಕಣ್ಣೀರಧಾರೆ ಇದೇಕೆ" ಹಾಡನ್ನು ಕೇಳಿ ಅಥವಾ ನೀವೆ ಹಾಡಿ ;-) [ಶುಭಪಂತುವರಾಳಿ ರಾಗದಲ್ಲಿರುವ ಹಾಡನ್ನು ಇಲ್ಲಿ ಕೇಳಿ ಅಣ್ಣಾವ್ರ ಕ್ಷಮೆ ಕೇಳುತ್ತಾ]. ಇಲ್ಲದಿದ್ದರೆ ಕೆಳಗೆ ಬರೆದಿರುವ ನನ್ನ ರಿಮೇಕ್ ಕೂಡ ಹಾಡಬಹುದು ;-)
"ಕಣ್ಣೀರಧಾರೆ ಇದೇಕೆ ಇದೇಕೆ
ಪಲ್ಯದ ಈರುಳ್ಳಿಯೆ ಈ ಪರಿಯ ಕೋಪವೇಕೆ"
೫) ದೋಸೆಗೆ ಚಟ್ನಿ ತಯಾರಿಸುವ ವಿಧಾನವನ್ನು ಇಲ್ಲಿ ಬರೆದಿದ್ದೇನೆ.
ಹಾಗೆಯೇ ಈ ತಿಂಗಳ ೨ ನೇ ವಾರದಂದು ನನ್ನ ಬ್ಲಾಗ್ ೪ನೇ ವರುಷಕ್ಕೆ ಕಾಲಿಟ್ಟಿದೆ. ತುಂಬಾ ಸಂತೊಷವಾಗುತ್ತದೆ ಅಷ್ಟು ವರುಷದಿಂದ ಬರೆಯುತ್ತೇನೆಂಬುದನ್ನು ತಿಳಿದು. ೧೦೦ ಕ್ಕು ಹೆಚ್ಚು ಬ್ಲಾಗ್ ಲೇಖನಗಳನ್ನು ಬರೆದಿದ್ದೇನೆ. ಬಹಳಷ್ಟು ಮಂದಿ ಪ್ರಶಂಸಿಸಿದ್ದಾರೆ ಹಾಗೆ ಕೆಲವರು ತಿದ್ದಿದ್ದಾರೆ ಕೂಡ. ಹಾಗೆ ಬರೆಯಲು ಇನ್ನು ಬಹಳಷ್ಟು ಬಾಕಿ ಇದೆ. ಆದರೆ ಸಮಯದ ಅಭಾವದಿಂದ ಬರೆಯಲು ಸಾಧ್ಯವಾಗುತ್ತಿಲ್ಲ. ಇನ್ನೆರಡು ವಾರ ಏನೂ ಬರೆಯಲು ಸಾಧ್ಯವಿಲ್ಲವೇನೋ. ೪ವರ್ಷದ ನನ್ನ ಅನುಭವಗಳನ್ನು. ಪ್ರತ್ಯೇಕ ಪುಟದಲ್ಲಿ ಗೀಚುತ್ತೇನೆ. ಸಂತೋಷದ ವಿಷಯವೆಂದರೆ ನನ್ನ ಬ್ಲಾಗ್ ವೀಕ್ಷಕರಲ್ಲಿ ಸುಮಾರು ೯೫% ಮಂದಿ ಗೂಗಲ್ ಸರ್ಚ್ ನಿಂದ ಬಂದವರು. ಇದರಿಂದ ನನ್ನ ಬ್ಲಾಗ್ ಪುಟಕ್ಕೆ ವೀಕ್ಷಕರ ಕೊರತೆ ಇರುವುದಿಲ್ಲ ಕೂಡ :-). ಈ ದಿನದಂದು ನನ್ನ ಎಲ್ಲಾ ಒದುಗರಿಗೆ ಧನ್ಯವಾದಗಳನ್ನು ಅರ್ಪಿಸುತ್ತೇನೆ.
ಬಹಳ ವರ್ಷಗಳ ಹಿಂದೆ, ಮಸಾಲೆ ದೋಸೆ ತಿನ್ನಲು ಹೋಟೆಲನ್ನು ಅವಲಂಭಿಸುತ್ತಿದ್ದೆ. ಏಕೆಂದರೆ ಆಲೂಗೆಡ್ಡೆ ಪಲ್ಯ ತಯಾರಿಸಲು ಬರುತ್ತಿರಲಿಲ್ಲ. ಒಂದು ಶುಭದಿನದಂದು "ಅಷ್ಟು ಸುಲಭದ ಪಲ್ಯ ಕಲಿಯಲು ನಿನಗೇನು ದಾಡಿ" ಅಂತ ಅಮ್ಮ ಜೋರು ಮಾಡಿದರು. ಇದಕ್ಕೆ ಅಪ್ಪನ ಸಪೋರ್ಟ್ ಬೇರೆ :-(. ಕಡೆಗೆ ಊರಿಗೆ ಹೋದಾಗ ಅಮ್ಮ ತಯಾರಿಸಲು ಹೇಳಿ ಕೊಟ್ಟರು. ಅರೆ ತುಂಬಾ ಸುಲಭ :-). ಆಲೂಗೆಡ್ಡೆ ಬೇಯಿಸುವುದು ಮಾತ್ರ ಸ್ವಲ್ಪ ಸಮಯದ ಕೆಲಸ [ಜೊತೆಗೆ ಕುಕ್ಕರ್ ತೊಳೆಯುವುದು :-(]. ಆದರೂ ತಿನ್ನುವಾಗ ತುಂಬಾ ಮಜ ಬರುತ್ತದೆ. ಸುಮಾರು ೩ ವರುಷದಿಂದ ನಾನೆ ಮಸಾಲೆ ದೋಸೆ ಆಸೆಯಾದಾಗ ತಯಾರಿಸುತ್ತೇನೆ :-). ದೋಸೆ ತಯಾರಿಸುವ ವಿಧಾನವನ್ನು ಸಮಯ ಸಿಕ್ಕಾಗ ಬರೆಯುತ್ತೇನೆ. ಪಲ್ಯ ತಯಾರಿಸಲು ಅಮ್ಮ ಹೇಳಿಕೊಟ್ಟ ರೆಸಿಪಿ ಇಲ್ಲಿದೆ (೩ ಮಂದಿಗೆ ಸಾಕಾಗಬಹುದು)
ಬೇಕಾಗುವ ಸಾಮಾಗ್ರಿಗಳು:
೧) ಈರುಳ್ಳಿ (ಸುಮಾರು ೩)
೨) ಆಲೂಗೆಡ್ಡೆ (ಸುಮಾರು ೫ ಸಾಧಾರಣ ಗಾತ್ರದ್ದು)
೩) ಶುಂಠಿ (ಸಣ್ಣ ತುಂಡು)
೪) ಒಗ್ಗರಣೆ ಸಾಮಾನುಗಳು (ಹಸಿಮೆಣಸು, ಘಾಟಿ ಮೆಣಸು, ಸಾಸಿವೆ, ಕಡಲೆ ಬೇಳೆ, ಕರಿಬೇವು ಸೊಪ್ಪು)
೫) ಚಿಟಿಕೆ ಅರಿಶಿನಪುಡಿ
೬) ನಿಂಬೆಹಣ್ಣು - ೧
ತಯಾರಿಸುವ ವಿಧಾನ:
ಆಲೂಗೆಡ್ಡೆಯನ್ನು ಮೊದಲೇ ತುಂಡರಿಸಿ ಬೇಯಿಸಿಡಿ. ಆಲೂಗೆಡ್ಡೆ ಬೇಯಲು ಕುಕ್ಕರಿನಲ್ಲಿ ೩ ವಿಶಲ್ ಸಾಕಾಗುತ್ತದೆ. ಹಾಗೆ ಈರುಳ್ಳಿಯನ್ನು ತುಂಡರಿಸಿಡಿ.
ಮೊದಲು ಬಾಣಲೆಯಲ್ಲಿ ಎಣ್ಣೆ ಅಥವಾ ತುಪ್ಪವನ್ನು ಸುರಿಯಿರಿ. ನಂತರ ಅದಕ್ಕೆ ಹಂತಹಂತವಾಗಿ ಸಾಸಿವೆ, ಕಡಲೆಬೇಳೆ, ಹಸಿಮೆಣಸು, ಘಾಟಿ ಮೆಣಸು ಮತ್ತು ಕರಿಬೇವು ಸೊಪ್ಪನ್ನು ಸೇರಿಸಿ ಚೆನ್ನಾಗಿ ಕರಿಯಿರಿ. ಮಿಶ್ರಣ ಕಪ್ಪಾಗದಂತೆ ನೋಡಿಕೊಳ್ಳಿ. ನಂತರ ಅದಕ್ಕೆ ತುಂಡರಿಸಿದ ಈರುಳ್ಳಿ ಯನ್ನು ಸೇರಿಸಿ ಮಿಶ್ರಣವನ್ನು ಹದವಾಗಿ ಕರಿಯಿರಿ. ಈರುಳ್ಳಿಯ ಬಣ್ಣ ಸ್ವಲ್ಪ ಬದಲಾದ ನಂತರ ಅದಕ್ಕೆ ನೀರನ್ನು ಸೇರಿಸಿ. ಹೆಚ್ಚು ನೀರನ್ನು ಸೇರಿಸಿದರೆ ಪಲ್ಯ ಮೆತ್ತಗಾಗುತ್ತದೆ. ಬೇಕಾದಷ್ಟೆ ಸೇರಿಸಿ. ಇದೇ ಮಿಶ್ರಣಕ್ಕೆ ಸ್ವಲ್ಪ ಅರಿಶಿನ ಜೊತೆಗೆ ಬೇಕಾಗುವಷ್ಟು ಉಪ್ಪನ್ನು ಸೇರಿಸಿ. ೧೦ ನಿಮಿಷ ಈರುಳ್ಳಿ ಬೆಂದ ನಂತರ ಅದಕ್ಕೆ ಬೇಯಿಸಿದ ಆಲೂಗೆಡ್ಡೆಯನ್ನು ಸೇರಿಸಿ. ಆಲೂಗೆಡ್ಡೆಯನ್ನು ಹಿಚುಕಿ ನಂತರ ಬಾಣಲಿಗೆ ಸೇರಿಸಿ ಮಿಶ್ರಣವನ್ನು ಚೆನ್ನಾಗಿ ಕಲಸಿ. ಸ್ವಲ್ಪ ಹೊತ್ತು ಸಿಮ್ಮಿನಲ್ಲಿ ಬೇಯಿಸಿ ನಂತರ ಅದಕ್ಕೆ ನಿಂಬೆಹಣ್ಣನ್ನು ಹಿಂಡಿದರೆ ರುಚಿಕರವಾದ ಪಲ್ಯ ತಯಾರು. ಇದನ್ನು ದೋಸೆ ಅಥವಾ ಚಪಾತಿ ಜೊತೆಗೆ ಕೂಡ ತಿನ್ನಬಹುದು.
ಕೊನೆ ಹನಿ:
೧) ಶುಂಠಿ ಆಪ್ಶನಲ್ ಆದರೂ ಬಹಳ ಇಂಪಾರ್ಟೆಂಟ್. ಇದು ಆಲೂಗೆಡ್ಡೆಯ ಅಡ್ಡ ಪರಿಣಾಮವನ್ನು ತಡೆಯುತ್ತದೆ ;-)
೨) ದೊಡ್ಡಕ್ಕ ತುಂಬಾ ಚೆನ್ನಾಗಿ ತಯಾರಿಸುತ್ತಾರೆ. ನಾನು ತಯಾರಿಸುವ ಪಲ್ಯದ ರುಚಿ ಇನ್ನು ಅವರ ಮಟ್ಟಕ್ಕೆ ತಲುಪಿಲ್ಲ.
೩) ಹಾಗೆ ಒಗ್ಗರಣೆಗೆ ಶೇಂಗಾ ಕೂಡ ಸೇರಿಸಬಹುದು ಆದರೆ ಆಲೂಗೆಡ್ಡೆ ಜೊತೆಗೆ ಸೇರಿ ಅಡ್ಡ ಪರಿಣಾಮದ ಜುಗಲ್-ಬಂದಿ ಆಗುತ್ತದೆ :-)
೪) ಈರುಳ್ಳಿ ತುಂಡರಿಸುವಾಗ ದಳದಳ ಅಂತ ಕಣ್ಣೀರು ಸುರಿದರೆ ಅಣ್ಣಾವ್ರು ಹೇಳಿದ "ಕಣ್ಣೀರಧಾರೆ ಇದೇಕೆ" ಹಾಡನ್ನು ಕೇಳಿ ಅಥವಾ ನೀವೆ ಹಾಡಿ ;-) [ಶುಭಪಂತುವರಾಳಿ ರಾಗದಲ್ಲಿರುವ ಹಾಡನ್ನು ಇಲ್ಲಿ ಕೇಳಿ ಅಣ್ಣಾವ್ರ ಕ್ಷಮೆ ಕೇಳುತ್ತಾ]. ಇಲ್ಲದಿದ್ದರೆ ಕೆಳಗೆ ಬರೆದಿರುವ ನನ್ನ ರಿಮೇಕ್ ಕೂಡ ಹಾಡಬಹುದು ;-)
"ಕಣ್ಣೀರಧಾರೆ ಇದೇಕೆ ಇದೇಕೆ
ಪಲ್ಯದ ಈರುಳ್ಳಿಯೆ ಈ ಪರಿಯ ಕೋಪವೇಕೆ"
೫) ದೋಸೆಗೆ ಚಟ್ನಿ ತಯಾರಿಸುವ ವಿಧಾನವನ್ನು ಇಲ್ಲಿ ಬರೆದಿದ್ದೇನೆ.
ಹಾಗೆಯೇ ಈ ತಿಂಗಳ ೨ ನೇ ವಾರದಂದು ನನ್ನ ಬ್ಲಾಗ್ ೪ನೇ ವರುಷಕ್ಕೆ ಕಾಲಿಟ್ಟಿದೆ. ತುಂಬಾ ಸಂತೊಷವಾಗುತ್ತದೆ ಅಷ್ಟು ವರುಷದಿಂದ ಬರೆಯುತ್ತೇನೆಂಬುದನ್ನು ತಿಳಿದು. ೧೦೦ ಕ್ಕು ಹೆಚ್ಚು ಬ್ಲಾಗ್ ಲೇಖನಗಳನ್ನು ಬರೆದಿದ್ದೇನೆ. ಬಹಳಷ್ಟು ಮಂದಿ ಪ್ರಶಂಸಿಸಿದ್ದಾರೆ ಹಾಗೆ ಕೆಲವರು ತಿದ್ದಿದ್ದಾರೆ ಕೂಡ. ಹಾಗೆ ಬರೆಯಲು ಇನ್ನು ಬಹಳಷ್ಟು ಬಾಕಿ ಇದೆ. ಆದರೆ ಸಮಯದ ಅಭಾವದಿಂದ ಬರೆಯಲು ಸಾಧ್ಯವಾಗುತ್ತಿಲ್ಲ. ಇನ್ನೆರಡು ವಾರ ಏನೂ ಬರೆಯಲು ಸಾಧ್ಯವಿಲ್ಲವೇನೋ. ೪ವರ್ಷದ ನನ್ನ ಅನುಭವಗಳನ್ನು. ಪ್ರತ್ಯೇಕ ಪುಟದಲ್ಲಿ ಗೀಚುತ್ತೇನೆ. ಸಂತೋಷದ ವಿಷಯವೆಂದರೆ ನನ್ನ ಬ್ಲಾಗ್ ವೀಕ್ಷಕರಲ್ಲಿ ಸುಮಾರು ೯೫% ಮಂದಿ ಗೂಗಲ್ ಸರ್ಚ್ ನಿಂದ ಬಂದವರು. ಇದರಿಂದ ನನ್ನ ಬ್ಲಾಗ್ ಪುಟಕ್ಕೆ ವೀಕ್ಷಕರ ಕೊರತೆ ಇರುವುದಿಲ್ಲ ಕೂಡ :-). ಈ ದಿನದಂದು ನನ್ನ ಎಲ್ಲಾ ಒದುಗರಿಗೆ ಧನ್ಯವಾದಗಳನ್ನು ಅರ್ಪಿಸುತ್ತೇನೆ.
No comments:
Post a Comment