GST - GoodMorning Service Tax :-)

ಬಿಟ್ಟಿ ಭಾಗ್ಯಗಳ ಘೋಷಣೆಯಿಂದ ಈಗಿನ ಸರ್ಕಾರವೇನೋ ಆಡಳಿತಕ್ಕೆ ಬಂತು. ಆದರೆ ಸಂಪನ್ಮೂಲ ಕ್ರೋಡೀಕರಣ ಎಲ್ಲಿಂದ? ನೋಂದಣಿ ಟ್ಯಾಕ್ಸ್ ಜಾಸ್ತಿ ಮಾಡಿ ಆಯಿತು, ಕರೆಂಟ್ ಬಿಲ್ ಜಾಸ್ತಿ ಮಾಡಿ ಆಯ್ತು, ಕಡೆಗೆ ಬೆಂಗಳೂರಿನ ಬಾಡಿಗೆ ಕೊಡುವವರ ಮನೆಗಳ ಮಾಲೀಕರ property ಟ್ಯಾಕ್ಸ್ ಜಾಸ್ತಿ ಮಾಡಿಯೂ ಆಯಿತು. ನೋಡಿ ಒಂದೆರಡು ಬಿಟ್ಟಿ ಭಾಗ್ಯಗಳ ಕೊಡಲು ಹೋಗಿ ನಮ್ಮಂತವರಿಗೆ ಹೊರೆ ಮೇಲೆ ಹೊರೆ. ಕೊನೆಗೆ ದೇವಸ್ಥಾನದ ಹುಂಡಿಗಳಿಗೂ 'ಕೈ' ನವರು ಕೈ ಹಾಕಲು ಹೊರಟಿದ್ದಾರೆ. ದೇವಸ್ಥಾನಕ್ಕೂ ಟ್ಯಾಕ್ಸ್ ಅಂತೆ. ಬೇರೆ ಧರ್ಮದವರಿಗಿಲ್ಲ! ಎಂತಹ ವಿಪರ್ಯಾಸ ನೋಡಿ ಹಿಂದೂಗಳದ್ದು. ಆದೆ ಕೆಲವು ಅಲ್ಪಸಂಖ್ಯಾತರ ಬೋಣಿಗೆ ಸರಿಯಾಗಿ ದುಡ್ಡು ಸುರಿಯುತ್ತಿದ್ದಾರೆ. ಅಲ್ಪಸಂಖ್ಯಾತರು ಕಡೆಗೆ ಏನು ಮಾಡುತ್ತಾರೆ ಅನ್ನುವುದು ಎಲ್ಲರಿಗೂ ತಿಳಿದಿದೆ. ಅಧಿಕಾರದ ಆಸೆಗಾಗಿ ದೇಶವನ್ನೂ ಮಾರುವವರೇ ನಮಗೆ ಬಹು ದೊಡ್ಡ ಶತ್ರುಗಳು ಅನ್ನೋದು ಸಾಬೀತು ಮಾಡಲು ಸಾಕ್ಷಿಗಳೇ ಬೇಕಾಗಿಲ್ಲ. ನಾನು ಕೂಡಾ ದೇವಸ್ಥಾನಕ್ಕೆ ಕೊಡುತ್ತಿರುವ ದೇಣಿಗೆ ಅಥವಾ ಹುಂಡಿಗೆ ಹಾಕುವ ಹಣವನ್ನು ನಿಲ್ಲಿಸಿದ್ದೇನೆ. ದೇವರಿಗೆ ಸಂದರೆ ಮಾತ್ರವೇ ದೇಣಿಗೆ ಕೊಡಲು ನಿರ್ಧರಿಸಿದ್ದೇನೆ ಕೂಡಾ.

ಇರಲಿ ವಿಷಯ ಅದಲ್ಲ. ಯಾವುದೊ ಕಾರ್ಯಕ್ರಮದಲ್ಲಿ ಕೇಳಿದ ಹಾಸ್ಯ ಚಟಾಕಿ! ಯಾರೋ  ಹೇಳುತ್ತಿದ್ದರು

"ನಮ್ಮ ಜನಕ್ಕೆ ಊಟ ಇಲ್ಲದಿದ್ದರೂ ಪರವಾಗಿಲ್ಲ ಆದರೆ WhatsApp ನಲ್ಲಿ Good-Morning ಸಂದೇಶ ಕಳಿಸದೆ ದಿನವೇ ಸಾಗುವುದಿಲ್ಲ. ಮುಂದೊಂದು ದಿನ ಇಂತಹ ಸಂದೇಶಗಳು ಬೆಳಗ್ಗಿನ ಚಹಾವನ್ನು ಬದಲಿಸಲೂಬಹುದು.  ಹೀಗೆ ಲೆಕ್ಕ ಹಾಕಿದರೆ ನಮ್ಮ ರಾಜ್ಯದಲ್ಲೇ ಕೊಟ್ಯ೦ತರ ಮಂದಿ Good-Morning ಸಂದೇಶ ರವಾನಿಸುತ್ತಾರೆ. ಕೆಲವರು ಬ್ರಾಹ್ಮಿ ಮುಹೂರ್ತದಲ್ಲೇ ಕಳಿಸಿಬಿಡುತ್ತಾರೆ. ಹೀಗಿದ್ದಾಗ, ನಮ್ಮ ಸರಕಾರದ ಬೊಕ್ಕಸ ತುಂಬಿಸಲು ಒಂದು ದಿನ ಇಂತಹ Good-morning ಸಂದೇಶಕ್ಕೆ ಒಂದಕ್ಕೆ ಒಂದು ರೂಪಾಯಿ ಚಾರ್ಜ್ ಕೂಡಾ ಮಾಡಲು ಸರ್ಕಾರ ನಿರ್ಧರಿಸಬಹುದು. ಹೊಸ ರೀತಿಯ GST (GoodMorning Service Tax) ಎಂದು ನಾಮಕರಣ ಮಾಡಬಹುದು. ಇಂತಹ ವಿಷಯಗಳಲ್ಲಿ ನಮ್ಮ ಸರಕಾರ ತುಂಬಾ ಫಾಸ್ಟ್ ಇರುವುದರಿಂದ ಬಹುಬೇಗ ಜಾರಿಗೆ ತರಲು ಕಾತರಿಸಬಹುದು ಕೂಡ! ಒಟ್ಟಿನಲ್ಲಿ ದಿನಕ್ಕೆ ಕೊಟ್ಯ೦ತರ ರೂಪಾಯಿ ದಿನಕ್ಕೆ ಜಮಾ ಆಗುತ್ತಿರುತ್ತದೆ. ಬಹುಶಃ ಇದರಲ್ಲೂ ರಿಯಾಯಿತಿ ಇರಬಹುದು. Good-Morning ಸಂದೇಶದ ಜೊತೆ Allah ಅಥವಾ Jesus ಫೋಟೋ ಇದ್ದರೆ, ಅದಕ್ಕೆ ಚಾರ್ಜ್ ಇರುವುದಿಲ್ಲ. ಜೊತೆಗೆ ಅಲ್ಪಸಂಖ್ಯಾತರ ಹಬ್ಬದಂದು ಚಾರ್ಜ್ ಇರುವುದಿಲ್ಲ. ಮತ್ತು ಇದನ್ನು ಸರಿದೂಗಿಸಲು, ದೀಪಾವಳಿ, ಯುಗಾದಿ ಮತ್ತು ನವರಾತ್ರಿಗೆ ಒಂದು ಮೆಸೇಜ್ ೫ ರುಪಾಯಿಯಂತೆ ಚಾರ್ಜ್ ಮಾಡಲೂಬಹುದು. ಈಗಲೇ ಜನರು ಆದಷ್ಟು Good-Morning ನಶೆಯನ್ನು ಇಳಿಸುವುದು ಒಳಿತು" ಎಂದು ಮಾತನಾಡಿದಾಗ ಅಲ್ಲಿದ್ದವರಿಗೆ ನಗು ತಡೆಯಲಾಗಲಿಲ್ಲ.

ನನಗೂ ಕೂಡಾ ನಗು ತಡೆಯಲು ಆಗದಿದ್ದರೂ, ಒಂದು ದಿನ ಇದನ್ನು ಕೂಡಾ ಜಾರಿಗೆ ತರಬಹುದೇನೋ ಎಂಬ ಧೃಡ ನಂಬಿಕೆ ಕೂಡಾ ಹುಟ್ಟಿಕೊಂಡಿತು 😂